بیت ابوذیه. الی الذین بدلو العزه بذله

لو ساس بیتک مجد ماینهدم لو  عمر

مره تعز لو تذل تکفی دهر لو عمر

تدری الفخر للزرع مو بس حصد لو عمر

ویاک هذه الحچی ما یخص دیره وحی

و انشد ضمیرک لون ما مات بعده وحی

ابوحده ارید انفرد عوف الحدیث و وحی

امک البیک اطلگت ندبت علی لو عمر

                                                                     الی الستاد راضی الفیصلی

    

|+|

هوسات للاستاد راضی الفیصلی

رفت راية العباس يم حسين أبو اليمة
ونظرها للجيوش حشود كلها بايعه الذمه
خلزها بخزرة عيونه وما جن فزع من دمه
والخايف ما يبلع ريجه

مايبلع الريج الخاف وما تترامش جفونه
من شاف القمر عباس متعلي على ميمونه
يدري بطبعه من يزعل يجدح غضب بعيونه
مايبرد لو دخن سيفه

مايبرد عضيد حسين من يتوسط الجيمان
والراوي شكتب من شاف بس مراكض الفرسان
شي لشي تصيح بصوت بالك تقرب الميدان
هد العباس على الحومه

هد ابن الوصي حيدر وقلع من الطفوف الباب
وشاف بصولته الماشاف بدر وخيبر وأحزاب
مدري الثار عج تراب ولو غيم عليها ضباب
تترادم قامت خيل وخياله

ترادم الخيل بخيل والفرسان شي بشي
وما ينعرف بين الجيش الميت منو منهو الحي
انصبغت ساحة الميدان من دموم أهل الغي
من سيل الدم ضاع الشاطي

ضاع الشاطي والعباس واقف يم المسناة
رغما على صفوف القوم داس على الخشوم وفات
كل بيرق بشياله طواه وكفت الريات
بس راية الخضرة منشورة

بس راية قمر عدنان رفت غصبا على الشوس
وضلت تارسة الوديان قطاع الزلم والروس
رد من النهر والجود من غيرة ووفا متروس
جرفين الشط مد زنوده

مد زنوده أخو زينب ومثله ما وفه وفاي
وراية شرف منشورة ترف للرايح وللجاي
لليوم الفراة ينوح ويسلم عليه الماي
والما صدق ذاك الشاطي

للشاعر: راضي الفيصلي
ــــــــــــــــــــــــــــــــــ

__________________

|+|

امام علی علیه السلام

ضلیله الروس لو طخت للذناب

وگصیره الاید من تمتد للجناب

رخیصه الچلمه عند الباعه رخیص وعزیزه النخوه عند الیسمع اعتاب

مو کلمن ترئیس گال انه افلان ولا کلمن تحکم زاچی الانساب

الریاسه اتریداهله الحاویه الزود اللابس هدم غیره عیب ینهاب

فرق بین الوزن شعره بل میزان و بین الما یمیز الداب و الظاب

خصال التنحمد ما تنجمع عیب ولاثوب النجاب غیز النجاب

الوفه الوجدان والغیره و الخلاص نیشان العداله وشئن الطیاب

الشجاعه اترید فرسان او صنادیدو ترید الی تخیل دون لرچاب

هذه اوصاف واحد قائد الاسلام و لینسبه لبن خطاب چذاب

عیب الماهو گده لایگه اعله بس لاگت الحید داحی الباب

الشاعر المخلص راضی الفیصلی

 

|+|

هوسه لقمر العشیره

بلمهد کا ما ابوه ینظر الوجه و طالعه

اتبین آثارالشجاعه ایفور دمه و الگماط ایگطعه

گمر هاشم ابلیل ظلمهابنور وجهه و برد شفرات سیفه الامعه

صار نعم الخلف عودهو رکن یوم المع معه

من یطب ساحه الحومه من کثر زلزال الارض تهتز سماهه السابعه

و کلمن ابساحه الحومه امتوج ابتاج الشجاعه ابحز وریده اینزعه

من اجت اخته الضماهه اتفزعه

 نبط عرجه الهاشمی و درعم اعله العلگمی وصار ملک الموت سیفه و حوم اعله المشرعه

رجع یتبختر مثل صل الرمل و جاب الجربه عروس امگبعه

الاستاد راضی الفیصلی

|+|